Stichting Koningin Wilhelmina Fonds Aruba (KWF) a wordo funda dia 4 di Februari 1961 cu e meta pa preveni y combati cancer na Aruba. Obhetivo di e fundacion ta pa duna sosten na e pashentnan di cancer cu ta biba na Aruba. E fundacion no ta wordo subsidia y p'esey anualmente na luna di april y mei ta colecta placa pa por sigui cu e trabou. Tur donacion ta wordo aprecia. Cu yudansa di entre otro Nederlandse Kankerbestrijding a construi nos propio edificio situa na Spinozastraat #9 na Oranjestad. Esaki ta e caya patras di Watertoren na Playa. E directiva di e fundacion ta consisti di voluntarionan kende ta wordo asisti pa otro voluntarionan den diferente proyecto, entre otro e colecta anual na luna di april y mei.